Dusun

Tulun-tulun di mangarait om momungaran do dusun, nokotongkop hiti'd pomogunan'd sabah'd ti. Sundung po'd miirad om miinsomok'o waya'd koposion nga miinginsodu o ginawo. Misuwai tokou au miirad kano ngawi, nga au oingatan do miirad om iso e' o nontodon hilo'd nunuk ragang. Baino haro mongoreit kadazan, rungus om momogun. Okon ko dusun ka noh, dusun nopo nga piminimungaranan do borotish. Araat rati do dusun, tulun do pisuk-pisuk. Nga sorohon nopo ti ngaran nondo pinopoiso daton di gulu. Sundung do ogumu ngaran tinungkusan seira minigintokiad mantad nunuk ragang. Waro minimuwalai'd suriba do tuhaw om roitan da tuhawon, waro minimuwalai'd liwan do tidong om roitan da liwan om ogumu po suai nga iso e' ngawi, iso id dusun. Nu'o man tokou toguang'o nga mogihum iso pirotian om piisaan do ginawo migibayat-bayat gumuli di ngaran mantad tokow. Om olingasan omrumayat tokow no hiti pomogunan diti.